Түркістан облыстық балалар ауруханасының ұжымы мереке қарсаңында құрметке бөленді.
Бүгін ҚР Денсаулық сақтау министрі Акмарал Альназарова Түркістан облыстық балалар ауруханасының бас дәрігері Алтын Мейрамбаеваға “Беделді балалар ауруханасы” мәртебесі бойынша марапаттап, аурухана ұжымының жұмысын ерекше бағалап өтті.
Айта кетейік, Облыстық балалар ауруханасы өңірдегі көп бейінді республика бойынша ірі аурухана. Облыстық көпбейінді балалар ауруханасы ретінде аудандардан жіберілген пациенттерге шұғыл және жоспарлы түрде медициналық қызметтерін ұсынады. Педиатрия және балалар хирургиясы бойынша мамандандырылған стационарлық және стационарды алмастыратын көмектің барлық бейіндерін қамтиды және кардиохирургиясы бағыты бойынша жоғары мамандандырылған қызметтер көрсетіледі.
