Облыстық балалар ауруханасының балалар хирургі ТЕМИРБЕКОВ МУКАҒАЛИ УСЕНҰЛЫ: Анемияға жай ғана анемия деп қарауға болмайды, бұл баланың денсаулығына үлкен қауіп төндіреді. Облыстық балалар ауруханасында шұғыл түрде 6 жасар қыз баласының асқазанына күрделі ота жасалды. Пациент Түркістан қаласынан шұғыл түрде өте үлкен мөлшердегі асқазандағы бөгде заттың болуымен қабылдау бөліміне келді. Анасының айтуынша, баланың ауыруына 1 ай болған, асқазан аймағындағы ауырсынуға және жалпы әлсіздікке, тәбетінің болмауына, құсуға, салмағының төмендеуіне шағымданған. Шұғыл түрде асқазанға ЭФГДС жасалуы арқылы бөгде зат анықталды. Науқас ауруханаға жатқызылып, бөлімшеде отаға қажетті шаралар жүргізіліп, отаға алынды. Отаның ұзақтығы бір сағатқа созылды. Ота өте сәтті өтті! Жалпы бала стационарда 7 күн жатып, оның ішінде жан сақтау бөлімінде 1 күн болды. Нәтижесінде, баланың жағдайы жақсарып, үйіне аман-есен оралды.
АМАН БОЛСЫН БӨБЕКТЕР!
